MISS

Hindi ko siya pag-aari. Pero nami-miss ko siya. Bawat minuto, naiisip ko siya. Bawat galaw ko, nasa isip kita. Bakit nga ba? Siguro nga mahal kita. Ngunit alam kong imposibleng mangyari yon. Dahil may mahal ka nang iba.

Alam kong mahal na mahal mo siya. Alam kong hindi mo kayang mahalin ang isang tulad ko. Alam kong hindi ko kayang tumbasan ang pagmamahalan ninyong dalawa. Naiinggit ako, oo. Ramdam na ramdam ko ang pagmamahalan ninyo.

Bakit nga ba mahal kita? Bakit nga ba hinayaan ko ang sarili kong mahalin ka? Bawat oras iniisip ko n asana naalala mo rin ako kahit papano. Sana ako na lang ang mahal mo. Sana ako na lang ang minahal mo.

Bawat taong nakikita ko naiisip ko, ikaw! Bawat taong nguningiti nakikita ko, ikaw! Bawat taong bumabati sa akin, panalangin ko sana ikaw! Pero hindi. Hindi. Lahat sila ibang tao. Hindi ikaw, dahil nandun ka sa mahal mo….

Sa bawat araw na ginawa Nng Diyos, ikaw at ikaw lang ang nasa isip ko. Ang nasa puso ko. At nasa pagkatao ko.

Miss na miss na kita…

Pero ako lang…