IKAW ANG LANGIT KO

Sa tuwing tinitingnan ko ang cellphone ko, pangalan no ang nais kong makita. Hinihintay ko kung may text ka. Parati kong chinicheck baka nagmiskol ka. Pero madalas wala. O di kaya, ibang tao pala.

Bakit kaya ganun? Gusto kitang itext pero pinipigilan ko sarili ko. Wag baka masyado na akong distorbo. Pero gusto ko lang naman sanang malaman kung ano ang nangyayari sa iyo eh. Kung nag-iisa ka lang. o kung nalulungkot ka. O kung nababagot ka. O baka gusto mo lang ng katext sa mga oras na iyon. O baka gusto mo lang na may makakausap ka sa panahong iyon.
Hay buhay, mahirap ang malayo sa isa’t isa. Pero higit na masakit ‘yong alam mong hindi mo siya pag-aari ng buong-buo. Pero magkaganun pa man, sa tuwing magtext ka, masaya na ako. Sa tuwing makokol ka, maligaya na ako. Dahil para sa akin, IKAW ang LANGIT ko.