Hangin kang nagmula sa kawalan
Apoy kang may alab ng kapusukan
Tubig kang pag-asa ang daluyan
Lupa kang bawat buhay ay pinagmulan.
Bituin kang nagniningning sa kalangitan,
Buwan kang may sinag ng kagandahan,
Araw kang may sikat na nagpaparamdam,
Panaginip kang hind imaging totoo kelanman.
Pangalan mo’y musika sa aking pandinig,
Tinig mo’y kasing lamyos ng tubig,
Larawan mo’y mga titik ng isang awit,
Alaala mo’y kasing linaw ng batis,
Ngunit paanu kita mahahawakan?
Paanu kita mapagsisilbihan?
Paano ka ba mamumuhay sa katotohanan?
Kung ang iyong katauhan ay isang kathang isip lamang.
No comments:
Post a Comment