Ang TANGA (bow!) EPISODE 2

Sa pagpapatuloy ng ating blog series ng mga TANGA...
Babala (ULI): Basahin mo ito ng maigi baka isa ka sa kanila...
TANGA # 3: DAKILANG TANGA
Sila ang mga TANGA sa aking paligid na hindi halos ko malaman at maarok ang kanilang nasasaloob. Unahin natin ang isang Dakilang Tanga at tatawagin natin siyang Danica deVito. Siya ay mula sa Kingdom Animalia, Phylum Chordata, Class Aves, Infraclass Neognathae, Order Sphenisciformes, Family Spheniscidae. Siya ay isang kakaibang breed of aquatic, flightless bird. Oo, tama! Flightless. Si Danica deVito ay flightless.
Bakit kamu? Mahilig siyang magpalipad ng mga salita sa kanyang mga tauhan. Walang pakialam kung tama ang kanyang mga sinasabi o hindi. Hindi muna inaalam kung tama ang impormasyong binibitawan niya. Palibhasa utak ibon, kaya hindi masyadong malaki (malawak) ang pang-unawa niya sa mga bagay-bagay.
Kagaya ng kanyang mga kalahi, maliksi ito kung kumilos na pinatutunayan naman ito ng kanyang maliksing mga disisyon na minsan ay hindi akma sa sitwasyon. Pilit niyang iniinsist ang kanyang mga policies na siya mismo ang sumisira nito.
Minsan nagsumite ang isang estudyante sa kanya ng isang dokumento. Nang tiningnan niya, may typographical error daw. Kaya ng tinanong siya ng estudyante kung palitan ang dokumentong mali, nagkibit balikat lang si Danica. Hayaan na lang daw. Hindi na daw pwedeng palitan pa.
Siyempre na shock ako! Bakit hindi na pwedeng palitan ang isang gawang may mali. Bakit? Para ano? Para ipamukha mo lang sa estudyante mo na wala silang alam at hindi sila kalevel mo. Masyado mo naman yatang ina underestimate ang kakayanan nila...
Tanga siya dahil akala niya super magaling siya at inakala niyang kaya niyang gawin ang kahat ng bagay. Well, isa lang masasabi ko...wala siyang katalent – talent. TANGA!
Isa pang Dakilang Tanga ang aking ipi-feature. Tawagin natin siyang Valentino. Hindi dahil isa siyang mangingibig. Dahil nanggaling siya sa lahi ni Valentina. Alam mo na kasama sila Medusa at iba pang gorgons. Nagmula sila sa Kingdom Animalia, Phylum Chordata, Class Reptilia, Order Squamata, Suborder Serpentes, Family Hydrophiidae, Genus Laticauda, Species L. Schystorhyncha. Siya ay isang sea reptile at ang haba ay until i meter lang. Yes! Si Valentino ay hanggang isang metro at kalahati lang. Hindi apat na dangkal lang ata eh! Magkagayunpaman, masyado siyang venomous, that makes him dangerous. Oo. Talagang ang galing niyang mag-iba ng anyo. Kagaya ng mga kalahi niya ang galing niyang magpalit ng balat. From time to time nagpapalit siya ng balat. Bawat taong nakakasalamuha niya ay nag-iiba siya ng anyo.
Eh kaso tanga, hindi niya alam na marami na ang nagmamatyag sa kanya. Bistado na nga siya. Mula sa kanyang personal hanggang sa political aspect niya bistado. Bakit ko nasabing political kasi hindi bagay sa kanya ang present position niya. Dapat kasi maging politiku siya kasi ang galing magsalita. Sorry sa mga gud politician ha. Pero marami pa ring mga pulitiko na magaling lang magsalita eh. Naaalala mo pa ba ang classic quote sa mga pulitiko na nag speech nang:
Kung sino man sa inyo ang walang pagkain, lumapit lang sa akin at bibigyan ko nang pagkain.
Kung sino man sa inyo ang hindi makakapag-aral, ay lumapit lang sa akin at aking pag-aaralin.
Kung sino man sa inyo ang walang tulay, ay aking pagagawan ng tulay.
Kung sino man sa inyo ang walang ilog, ay aking pagagawan ng ilog.
Eto mas matindi...
Kung sino man sa inyo ang walang sakit, ay bibigyan ko ng pasakit...

Hehehe. Ganyan si Valentino. Ganun ka venomous ang dila niyan. Tanga ka kapag madulas ka sa mga pangako niya. Kung hindi nga niya natupad ang isang pangako sa isang tao noon eh. Pano pa ba niya matutupad yan sa ngayon sa kung kani-kanino lang? At sino bang tao ‘tong sinasabi ko. At ano ang kaugnayan niya kay Valentino? Ang taong ito lang naman ang karugtong ng buhay ng isang taong mahalagang-mahalaga kay Valentino. Yun na.
Pero may karugtong pa ang katangahang ito ni Valentino. Sino ba ang may matinong utak na nakalimutan kung ano ang kulay ng damit niya sa isang mahalagang okasyon? Ako nang graduation ko nang elementarya ako naaalala ko kulay puting polo ang damit ko. Sa kapatid kong nakakatandang lalaki hiniram. Tapos ang pantalon kong itim hiniram ng nanay ko sa cousin ko. Wag ko nang sabihin kung ano ang kulay ng underwear ko kasi may punit yun. Sinulsi ko lang gamit ang point five na karayom. Palibhasa kasi TANGA.

Eto ang pangatlong Dakilang Tanga. Tatawagin natin siyang Queen Elizabeth. Hindi dahil kasing ganda siya ng Reyna ng Inglatera. Hindi rin dahil pinanganak siya kasabay ng anak na babae ni Manny Pacquiao. Kundi dahil Reyna-reynahan ang drama niya. Siya ay nanggaling Kingdom Animalia, Phylum Chordata, Class Mammalia, Order Carnivora, Suborder Felifomia, Family Hyaenidae, Genus Crocuta, species Crocuta crocuta. Siya ay reyna-reyna sa opisina niya. Yes, si Queen Elizabeth natin ay kagaya ng kanyang mga kalahi at sila ay parang wolf kung magalit. Parang parang tiger kung tumingin. At parang lion kung magroar.
Kaya lang may katangahan itong si Queen. Minsan pumunta ang inyong abang lingkod sa kanya para asikasuhin ang pinagdadaanan ng alaga niyang hippopotamus. I mean aayusin ko lang naman sana. Eh nagfreak out ang lola mo nang malaman niyang hindi gumagawa ng tama ang alaga niya. Ayun tinawag ang alaga niya at pinagpapalo, pinagtatadyakan, dinurog-durog niya hindi pisikal ha, kundi ng mga masasakit na salita.
Lahat na yata ng scientific name tawag sa mental illness e natawag na niya sa alaga niya. No wonder na kakaiba itong si Hippo. Kawawa naman. Masyado kasing binibeybi, kaya yun.
Pero hayaan mo na. Tanga din queen e. Di tanga din si Hippo.